Oda a Heráclito. Land art en Seira

Primeira das accións Oda a Heráclito. Xornada de Land Art na Casa do Bispo, Seira 2021.

Esta acción utiliza o corpo, o espazo natural e a palabra fragmentada para explorar os límites da linguaxe fronte ao paso do tempo. Ao entrar espido no río, o meu corpo despréndese das súas marcas sociais para dialogar directamente co elemento natural, representación do Real. A emisión illada de fonemas e a mostra de caracteres de madeira fan visible o esforzo humano por fixar significados nun mundo en constante mutación.
Ao deixar que as letras marchen río abaixo, a linguaxe renuncia á súa pretensión de permanencia e sométese á física da corrente. A acción remata en quietude contemplativa y en silencio. O discorrer da auga funciona como un espello. Todo flúe.

A continuación lóxica e peche conceptual da acción sería que eu me deixara levar pola corrente. Pero a falta de caudal no río Seira obrígame incluso a porme de xeonllos. Non creo eu que...